Balti Qasida Hazrat Zainab lyrics
گلستانینگ جناب زینبیؑ مدحت سرا سونگسے
شینا گیود مید کھوتی بلبل کنی زمرینگنو ہرژیا سونگسے
دی رگیلمو ے ہلتوس اپو چوے فیاسہ ناخنم چکتو لدنفی ان
ببولہ ھل اتی یود پے خدائینگنہ عطا سونگسے
زیزی صدیقہ کبراؑ بونو صدیقہ صغراؑ
ہلتوسی مینگمونی رتبولہ بہشتیونی گوپا سونگسے
زیزی جو کپونیگ اپوچوے امتی بو سترنیگپو چکتوا یانگ
ہدایت بیا فری لدنس ثانی خیر النساء سونگسے
زیروک رتبو نی رگیلموے زیر فیکہ بربن فیسے قرآن
نیمو برین چدے منپو مشرس مانع حیا سونگسے
دینے عصمت نہ عفت شان و شوکت یود پی خاتون چی
خنمی کھور جوخسی کوفینگ تھونمو چاہے بے ردا سونگسے
امام انناسی بید پہ صبری تلقین یانی سی ہر دم
ہلتوسی شامینگ تھونے من مونس زین العبا سونگسے
مکھڈ پا بربیسے کوڈ چی دوگید پا خدمتینگ مینگموے
ژھے گنگ پروانہ شمع شہید کربلا سونگسے
ژہے یود رگو یکہ مصیبت ژامژے تھوننایانی تھیقپانا
لقب ام المصائب تھوبفی ان حکم خدا سونگسے
بگخسی چھو سکور ینگ سکورس اہلبیت از کربلا تا شام
مدینینگ زدمسے کہیونکس یانی دے کشتی ناخدا سونگسے
دنیادیکہ یتی زدوگینگنو تنگفی یا چھی می قطرونگ
قیامت لہ تھوبید لقپینگنو در بے بہا سونگسے
دعا بیوس یانی لے رگیلمو قبول سونگ نا شجاعیؔ جو
نیا سینگ دوکپہ بیوس نمزی بلائینگنہ رہا سونگسے
Audio Voice : Muhammad Nabi Nayab