Balti Qasida Hazrat fatima S.A Ashipa Fsalfi Nabi
اشی پاس فسلفی نبی ہلژخمہ بونو فاطمہ ان
حسنینی غدونی نو سینی رگنو فاطمہ ان
بہشتی دقمو مینے بخستونی جقلا اشی پاس
خنم نا سا یمبو مونور تنگفی بونو فاطمہ ان
خنمی تھونمو انو لا لزوت نا نیمے سیکسپہ نا ژوخس
حسنین ژوخ بوچونی ہلژخمہ زیزیو فاطمہ ان
فیغی وخپوینگنو فرشتونی نونونگ فتولفو ژا مین
روزہ شخفانہ خداس کلفو زہ نو فاطمہ ان
نونے یود آیہ حدیثینگ نو دنیاد لدن کھوتی فیا
مزدوری بین چہ زانو نف نا تھنو فاطمہ ان
بہشتینگ نہ ہرپو بیاسے فیونگنی دے حوا اپی چو
نریمی جویگھا بہشت لینفی ژھنو فاطمہ ان
میگی اود بوی بوگخینگ روز قیامت تھونی من
شیعہ لا بیاسپو موتک نوسپی چھنو فاطمہ
محشرینگ دورقسے نبیونگ نفسی زیرین کھوربی برو
حشری تھنگ لہ بیاکھن امتی جو فاطمہ ان