Balti Marsia Hazrat e Abbas Alamdar (A.S)
تہونمنا عباسیؑ سکتپو فسورس حسینیؑ غدونی رنگ
شوخصی کاچو نی خبرلا یودپی وخلا رگوینگنو شہنگ
شوخ لخور قاتل تہونے نی رگو نہ گو تا بر ما فیا
جوکپی کھی دیدار لا ہلتید نا شخنہ نی سنیز گویکہہ یانگ
ہرژہریک کسل بیونگسے امامی فونوے سیزگویکہا تہونے
غدینگمہ چن فونو ستورینا چہود نلا خسونلہ کھسی غدینگ
لے ککی ہرمقگو یری رگویکہہ فراقپونگ تہونگمہ مید
نا نشان پو سویکہہ کل کوفہ پونگنا سونگنہ جنگ
پہلوان فونو کہراغینگ غزیمسے دوشمن کن حلے
لہنگسے شوخص روخلا ککی فونو ستورفی بید بگیہ ژھنگ
لے نی غیراتی اشی نی غدیانی برقہرژیو چہودے
شامی ہرمق روبنا ربلا مید بیتہب زینب لا چنگ
بیس جوفل نی رگو رگیکہا پارہ پارہ سونگنہ تہیق
یانگ سومید گوتہیقپہ مید تاگوید نی سترینگمونگنی ژھرانگ
یری جوگی دیدار لہ ہلتیکپہ یود دہ زوکسے نی میگینگ
یانگلہ تعظیم بیکپہ لنگسے ژھون تھونے مید رگولا سترنگ
یجو کاچو کھیربہ تہونسید نی ببا نا شا حسنؑ
زینبؑ لہ تہونچوک نی سلام ربینگنو شخنا لوقسے یانگ