Balti Marsia Lyrics Shehzada Ali Akbar (A.S)

شہزاده تہانینگنا لینے کہونگمی بروربزگوا میک کن کہراغی گنگسے
بیونگ ربینگنہ فرول لقپہ سکورین حضرت لیلا گونگہرژو چدے فانگسے
اہل حرمی سکلہ بورے حضرت لیلا یود پی بروک ربزگوا
دیمنہ کہوری رگسپی بباخشولا کہورے کہیونگس لقپونگ تہوروفنگسے
یانگ سویکہہ کہورسے ژومسے دوگید لیخموی غزمیک پو ہلقچی فیسے ملتا
لنگسے انولا ہلقچہ ہلتوسی لے انوے مظلوم میکپو فیسے سکانگسے
انوچہ بیالے انوے میگی عود علی اکبر یا نگژوخ بوستورینا
یری ببالا سعدی بگژھانگ بیدعلی اکبر زدیپہ تونگز بریے ہلژانگسے
انوسکوریلے انویجوان زیرے فودین گوچہونگس بوی رگوبونیکہا
غدونگپو کھیرے غدونگ پویکیہ کلے گوق مہ مین سواژامژے بیسے ہلژانگسے
سترینگمونگنہ زیزیونی علی اکبر زیرے غوبین نوسکت کوسے دروقسے
لقپینگ نو عصاچہ ہرتینے شخض سید سجاد کھیرے فوغینچہ لنگسے
چوقپہ فیسے گوستونگپو سکینہ سی زیرید پہ گومبیکیہ کلے گو
ناگیود پناژھیر کھینگنو ستورید یمبومسونگفی یری ہرتہ لزالا بڑنگسے
دے ندپہ امام نہ دریسے سترنگمونگنہ زیزنونگنی تھونگسے دے بیالوکہہ پو
کہوری خچپہ ببایود پہ کہورین یونگ چوغی خسمبینگ تھود پوفودے فنگسے