Balti Marsia Hazrat e Sakina Hussaini Mendoghi Bulbul Lyrics

حسینئً میندوغی بلبل سکینہؑ تھونمنا تھنگلا
نبئً مندوق ڈھری ستق کن زدو نازدوسونگے تھونگ پڑنگلا

گلاب کن شومسے تھونگ تھانگ گنگ کھبو اصغرؑ لا تھونی من
فیسے زھرائیؑ مندوقپو یکھہ ہرڈ یک زیرس زدمسینا بڑانگہ

بی بڑانگپو یکھہ غدونگ یقسے بیارے شمری جوری جیکسے
نا اونگسید تھونمنا کھسمن ظلمی سکت کھورے یانگلا

نی عالم گنگمہ در چوکپی با عباسؑ ستو ربانا
نیا ربینگ یقسے یا میجنندس شمر دونگ اونگسے یابہنگلا

توڑیونگ چوق سونگ شورے تھنگلا نی منگمو چیکچی ربینگنولوس
ندی ڈھد نا میدت فقسے فور سونگے غدونی رنگلا

ددے شمر لعین اونگسید زبسے یوق یا با یانی
نہ دوکتوک پنجھیلا فیخما ہرڈ یک زرین یانگلا

دینا شمر کھی اونگفو مزیر با ژھود محب کن لا
دے ظلمی ہرمنگپو کوسنارے می لوس شنگ ستروقنہ ینگ سنینگلا