Balti Qasida Imam Mehdi Yari Deedar La Hlta Lyrics

ژھیر تراغی مینگ نو مہ یوق یانگنی نیا ژھیو فنگسے
یاری دیدار لا ہلتہ یود ہے رگہ کھن سینگ غدیانگسے

یری تھوق نا نیا اسمن بیاسے ستروق پو سا سکوروک
ہلتیک پا ینگ نومفے بیاسے غدونگ لا یری میک سکانگسے

فیاق ہرژیسینگ ہلژخمہ اشی زگیز گو لا یود بڑانگسے نا نوین
ژھن نیما بین چی دعا یاری حغینگنو سترانگسے

گوید دوسے یاری محب کن لا ایشن سنینگ لا ہژڑانگ
دشمنی تم ژھونی دونگ ژامژے تا تھیاقتوک خسانگسے

یانگ لا سینگ ہرتخفہ نوزن دوکسے نا چوبچے شخفو
زدیک ہلتیند یاری رگہ کھن کن لا رگہ سی سینگ ژھانگسے

سیکسپی یانگ تھدکھا سا گوید سنینگ لا ژھڑانگ سا نئی گوید
یود پا نا یانگ نا برینگ پردہ اشی سی تانگسے

روخ بیوسی نمزی حسین رہبری فیاق پو لا یانگنی
دشمنی کنڈیری ہرمق سکور ناسی یود رزاق لنگسے

ٹرمپ نا یود یمبو مہ یا وخسی دے شیطان می ژھونگ
رہبری فیاقپو لا روخ مید زیرینا کھوانگ سکیانگسے

شخصے لین شزدے خبر آل نبی ص نا نزگغق
چھوس لا روخ بے دے می ژھونگ، چیکچی مہ یوق ہے فنگسے