Stroghi Bulbul Khiary De Balti Qasida Imam Hussain (A.S)
ستروغی بلبل کھیری دے گل ہوسی تر پو مبیوس
لالہ زار شہ دین حسینی کھا سونگسینا بوس
نی خوجا سی چھوسی تھوق نا سکورے ستروقنہ بوبوژھونگ
لوسے یود دخسنی من شیعہ لا لقتو حغی چھوس
شوخمو جبریل امین نا دریو کلس یانگ لا خداس
کوسے یانی اپوچوے کھا رداخی ریوی فری کھڑوس
یتی مشقی ردیکھا خط پو کھیرے خنم لا خداس
ژوخ سہ ژوخ بیا لا موتک فشقسے یدانگ تھد پہ لا بگوس
اشی پی ہلژحمہ کسل ان نہ سی قرآن تھورو ببس
یتی خط پویکھا فدا یار کھیرے قرآن پژے تھوس
کربلا سکومفی یری لیخموے کھسوے برکتی کھا
نا نہ ژوخ ہلتوخفی ہزاراں یری ماتم پو بو خسوس
نوما رگود گوید یری ماتم بیا کھنی تھونگسینا زدیو
یری عشقی چھنگنی کھا سونگسے حبیب نا ناڑاڑوس
ضیغمینگنہ نہ فودے تانگس یا حسینؑ زیر بنا قیس
نہ غمینگ نہ فودے تونگ یا حسین زیر بو سا کوس
یری نور دو بصر شبہ نبی اکبری فیا
نی میگی عود پو لا شز دے نظری کھا یانی ہلتوس
شاہ ادرکنی بہ با زوے علمدار تو
یری سکومفو کوسے عباسی سا مکچھوی سہ لا فوس