Apni Qismat Aazma Kar Dekhna Lyrics Urdu

اپنی قسمت آزما کر دیکھنا
تم عزا خانے میں آکر دیکھنا

میرا دعویٰ ہے اجڑ سکتے نہیں
کربلا دل میں بسا کر دیکھنا

خود منافق کا پتہ چل جائیگا
حیدری نعرہ لگا کر دیکھنا

ہو اگر جنت زمیں پر دیکھنی
کربلا اک بار جا کر دیکھنا

تم کو زہراؑ کی دعا مل جائے گی
پرچمِ غازیؑ اٹھا کر دیکھنا

چاند سورج ماند پڑ جائیں گے پھر
داغ ماتم کے سجا کر دیکھنا

مثلِ حارث دشمنِ حیدرؑ پہ بھی
عرش سے برسیں گے پتھر دیکھنا

وہ تو ہھر مولا علیؑ ؑ ہیں حشر میں
مرتبہ قنبر کا آ کر دیکھنا

پنجتن مہمان خود ہو جائیں گے
فرش مجلس کا بچھا کر دیکھنا

آگ لگتی ہے دھواں اٹھتا نہیں
منکروں کا دل جلا کر دیکھنا

خوشبوئے رومال زہراؑ چاہئے
اشک مجلس میں بہا کر دیکھنا